“Арсенал” “Монако” ҳимоячиси Вандерсонга қизиқмоқда
Лондоннинг “Арсенал” клуби “Монако”нинг ўнг қанот ҳимоячиси Вандерсонни ўз сафига қўшиб олиш имкониятини кўриб чиқмоқда. Инсайдер Экрем Конур маълумотига кўра, “канонирлар” 25 ёшли бразилиялик футболчининг ўйинларини сўнгги ҳафталарда мунтазам кузатиб бормоқда.
Ҳозирча “Арсенал” Вандерсон бўйича якуний қарор қабул қилмаган ва клублар ўртасида расмий музокаралар бошланмаган. Лондонликлар ҳимоячининг ўйинини баҳолаб, уни келажакдаги трансфер ойнаси учун номзодлардан бири сифатида кўриб чиқмоқда.
Вандерсон 2026/27-йилги мавсумда “Монако”нинг асосий таркиб футболчиларидан бири бўлиб қолмоқда. Бразилиялик ҳимоячи жорий мавсум Франция чемпионати ва УЕФА Конференциялар лигасида еттита учрашувда майдонга тушган.
Маълумот учун, Вандерсон “Монако” сафига 2022-йил январь ойида Бразилиянинг “Гремио” клубидан келиб қўшилган. Унинг француз клуби билан амалдаги шартномаси 2028-йил ёзигача мўлжалланган. “Монако” айни пайтда футболчи билан янги келишув бўйича музокараларни ҳам бошлаган.
