«Арсенал» Максимилиан Байерга қизиқмоқда
Байернинг бозор қиймати ҳозирда 40 миллион евро атрофида баҳоланмоқда.
ФОТО: Getty images
Лондоннинг «Арсенал» клуби Дортмунд «Боруссияси» марказий ҳужумчиси Максимилиан Байерни ўз сафига қўшиб олиш имкониятини кўриб чиқмоқда. Бу ҳақда TEAMtalk хабар тарқатди.
Манбага кўра, «канонирлар» 23 ёшли германиялик футболчининг ҳаракатларини диққат билан кузатиб бормоқда. Лондон клуби Байер таркибни кучайтириш учун мос номзод бўлиши мумкин, деб ҳисобламоқда.
Байер 2026/27 йилги мавсум бошидан буён барча мусобақаларда 7 та учрашув ўтказди. У бу баҳсларда 1 та гол урди ва 3 та голли узатма амалга оширди.
Ҳужумчининг Дортмунд клуби билан амалдаги шартномаси 2029 йилгача мўлжалланган. Transfermarkt портали маълумотларига кўра, Байернинг бозор қиймати ҳозирда 40 миллион евро атрофида баҳоланмоқда.
