«Arsenal» Maksimilian Bayerga qiziqmoqda
Bayerning bozor qiymati hozirda 40 million yevro atrofida baholanmoqda.
ФОТО: Getty images
Londonning «Arsenal» klubi Dortmund «Borussiya»si markaziy hujumchisi Maksimilian Bayerni o‘z safiga qo‘shib olish imkoniyatini ko‘rib chiqmoqda. Bu haqda TEAMtalk xabar tarqatdi.
Manbaga ko‘ra, «kanonirlar» 23 yoshli germaniyalik futbolchining harakatlarini diqqat bilan kuzatib bormoqda. London klubi Bayer tarkibni kuchaytirish uchun mos nomzod bo‘lishi mumkin, deb hisoblamoqda.
Bayer 2026/27-yilgi mavsum boshidan buyon barcha musobaqalarda 7 ta uchrashuv o‘tkazdi. U bu bahslarda 1 ta gol urdi va 3 ta golli uzatma amalga oshirdi.
Hujumchining Dortmund klubi bilan amaldagi shartnomasi 2029-yilgacha mo‘ljallangan. Transfermarkt portali ma’lumotlariga ko‘ra, Bayerning bozor qiymati hozirda 40 million yevro atrofida baholanmoqda.
