Арсенал Лондонда Реални ишончли тарзда мағлуб этди ва Чемпионлар Лигаси ярим финали сари муҳим қадам ташлади
Чемпионлар Лигаси чорак финал босқичида Англиянинг «Арсенал» жамоаси ўз майдонида Мадриднинг «Реал» клубини йирик ҳисобда мағлуб этди.
Учрашув 8 апрелдан 9 апрелга ўтар кечаси соат 00:00 да Лондондаги «Эмирейтс» стадионида бўлиб ўтди.
Биринчи бўлим голлар ва огоҳлантиришларсиз якунланди. Иккинчи таймда 58-дақиқада ҳисобни Деклан Райс очди. Англиялик ярим ҳимоячи 70-дақиқада иккинчи голини уриб, «Арсенал»ни 2:0 ҳисобида олдинга олиб чиқди.
75-дақиқада Майкл Мерино жамоаси ҳисобини 3:0 қилиб оширди.
Учрашувда қуйидаги футболчилар сариқ карточка олишди:
Томас Парти («Арсенал») - 54-дақиқада қоида бузгани учун,
Эдуардо Камавинга («Реал») - 68-дақиқада фол учун ва 90+4 - дақиқада ҳакам билан тортишгани учун иккинчи сариқ карточкани олди. Натижада у қизил карточкага эга бўлиб, жавоб учрашувини ўтказиб юборади. Жавоб баҳси 17 апрель куни бўлиб ўтади.
Чемпионлар Лигаси. Чорак финал
Арсенал - Реал Мадрид
Голлар: Райс (58, 70), Мерино (75)
