“Арсенал” “Ливерпуль”нинг 18 ёшли иқтидорига қизиқмоқда
“Ливерпуль”нинг 18 ёшли вингери Рио Нгумоа Лондоннинг “Арсенал” клуби эътиборига тушди. “Канонирлар” ёш футболчининг мерсисайдликлар сафидаги ҳолатини кузатиб бормоқда. Бу ҳақда журналист Алан Никсон хабар бермоқда.
Манбага кўра, агар Нгумоа жорий мавсумда “Ливерпуль”нинг асосий таркибидан мунтазам жой ола олмаса, “Арсенал” унинг трансфери бўйича ҳаракат бошлаши мумкин. Футболчига Германиянинг “Бавария” клуби ҳам қизиқиш билдирмоқда.
Шу билан бирга, Нгумоанинг “Ливерпуль” билан шартномасини узайтириши кутилмоқда. Бу эса “Арсенал” ва бошқа даъвогар клублар учун эҳтимолий трансферни мураккаблаштириши мумкин. Ёш футболчи “Ливерпуль”га 2024-йилда “Челси” академиясидан келиб қўшилган.
Маълумот учун, Рио Нгумоа жорий мавсумда барча мусобақаларда 4 та учрашувда майдонга тушган, аммо ҳозирча гол ёки ассист қайд этмаган. Унинг “Ливерпуль” билан амалдаги шартномаси 2028-йилнинг июнигача мўлжалланган.
