«Арсенал» Кварацхелияни сотиб олишни кўриб чиқмоқда
Transfermarkt Кварацхелиянинг бозор қийматини 90 миллион евро деб баҳолайди.
ФОТО: Getty images
Англиянинг «Арсенал» клуби Парижнинг «ПСЖ» жамоаси вингери Хвича Кварацхелияни трансфер қилиш имкониятларини ўрганмоқда. Бу ҳақда Sky Sports News хабар берди.
Нашр маълумотларига кўра, Чемпионлар Лигаси финалига чиқиш «канонирлар»нинг молиявий имкониятларини сезиларли даражада оширди. Лондон клуби Хвичага 122 миллион фунт стерлинг таклиф қилишга тайёр.
Грузиялик футболчи «ПСЖ» сафида 76 та ўйинда қатнашди, бу учрашувларда у 26 та гол урди ва 18 та ассист амалга оширди. Мавжуд маълумотларга кўра, Transfermarkt Кварацхелиянинг бозор қийматини 90 миллион евро деб баҳолайди.
Розикжон Султонмуродов
Журналист