«Арсенал» Кенан Йилдизнинг трансфери бўйича музокаралар олиб бормоқда
Лондоннинг «Арсенал» клуби «Ювентус» вингери Кенан Йилдизга жиддий қизиқиш билдирмоқда ва футболчини сотиб олиш имкониятини кўриб чиқмоқда. Бу ҳақда Caught Offside нашри хабар берди.
Маълумотларга кўра, 20 ёшли футболчининг агенти Хорхе Мендеш аллақачон Турин шаҳрида инглиз клуби вакиллари билан учрашув ўтказган. Томонлар эҳтимолий трансфернинг шартларини муҳокама қилган. Трансфер нархи 90–100 миллион евро атрофида бўлиши кутилмоқда.
Аввалроқ, Йилдизни «Манчестер Юнайтед» ва «Челси» клублари ҳам кузатаётгани ҳақида хабарлар тарқалган эди. Турк халқасига мансуб ярим ҳимоячининг «Ювентус» билан амалдаги шартномаси 2029 йил 30 июнгача мўлжалланган.
Маълумот учун, Йилдиз жорий мавсумда клуб сафида 14 та ўйинда майдонга тушиб, 3 та гол ва 4 та голли узатма амалга оширди. Transfermarkt портали унинг бозор қийматини 75 миллион еврога баҳоламоқда.
