“Арсенал” қишда Альварес ва Винисиус трансферига яна уриниб кўриши мумкин
Лондоннинг “Арсенал” клуби қишки трансфер ойнасида ҳужум чизиғини кучайтириш масаласига яна қайтиши мумкин. The Independent маълумотига кўра, “канонирлар” ёзда амалга ошмаган йирик трансферлардан кейин бир нечта номзодни кузатишда давом этмоқда.
Клубнинг асосий вариантлари орасида “Атлетико” ҳужумчиси Хулиан Альварес ва “Реал Мадрид” вингери Винисиус Жуниор бор. “Арсенал” ёзги трансфер ойнасида ҳам ҳар икки футболчига қизиқиш билдирган, бироқ томонлар келишувга эриша олмаган.
Шунингдек, “Борнмут” ҳужумчиси Эли Жуниор Крупи ҳам Лондон клуби кузатувида қолмоқда. “Арсенал” қишда ҳужум чизиғига юқори даражадаги футболчи қўшиш имкониятини яна кўриб чиқиши кутилмоқда.
Маълумот учун, “Арсенал” ёзги трансфер ойнасида ҳужум учун бир нечта йирик номларни кўриб чиққан, бироқ якунда бу йўналишда фақат Кристос Цолис билан шартнома имзолаган.
