«Арсенал» Йилдиз учун харидор
Футболчининг амалдаги шартномаси 2029 йилгача мўлжалланган.
ФОТО: Getty images
"Ювентус" ҳужумчиси Кенан Йилдиз фаолиятини “Арсенал”да давом эттириши мумкин. Бу ҳақда La Repubblica нашри хабар берди.
Манбага кўра, "канонирлар" аллақачон "кекса синьора"нинг 20 ёшли юлдузининг агенти билан алоқа ўрнатган.
"Ювентус" ўз етакчисининг нархини тахминан 97 млн еврога баҳоламоқда. Унга “Челси” ва “Реал” ҳам қизиқмоқда.
Кенан Йилдиз жорий мавсум "Бьянконерилар" сафида 17 та ўйинда 5 та гол ва 5 та ассист муаллифига айланди. Футболчининг амалдаги шартномаси 2029 йилгача мўлжалланган.
Розикжон Султонмуродов
Журналист
