«Арсенал» Йилдиз учун 100 миллион евро таклиф қилмоқчи
Лондоннинг «Арсенал» клуби «Ювентус»нинг туркиялик вингери Кенан Йилдиз трансфери учун катта таклиф билан чиқишни режалаштирмоқда.
Италиянинг Corriere dello Sport нашри хабарига кўра, агар «Ювентус» яна Чемпионлар лигаси йўлланмасини қўлга кирита олмаса, бу Йилдизнинг клубдан кетиш эҳтимолини сезиларли даражада оширади. Таъкидланишича, туринликлар ўз футболчисини 100 миллион евро атрофида баҳоламоқда.
«Ювентус» Йилдиз билан хайрлашишни истамоқда, бироқ унинг сотуви эвазига клуб таркибни кучайтириш учун икки нафар ҳужумчи харид қилиши мумкин.
Tuttomercatoweb маълумотига кўра, «Арсенал» Йилдиз трансфери учун барча имкониятларини ишга солишга тайёр. Лондонликлар «Ювентус»нинг талабини қондириб, футболчи учун 100 миллион евро таклиф қилишни режалаштирмоқда.
21 ёшли Йилдиз жорий мавсумда Италия чемпионатида ҳозирча 1 та учрашувда майдонга тушди ва голли ҳаракатлари билан ажралиб турмади.
