«Арсенал» Гёкерешни қўйиб юборишга тайёр
Унинг лондонликлар билан тузилган меҳнат шартномаси эса 2030 йил июнь ойи охирида якунига етади.
ФОТО: Getty images
Швециялик марказий ҳужумчи Виктор Гёкереш жорий мавсум якунлангач, Лондоннинг «Арсенал» клубини тарк этиши мумкин. Бу ҳақда ижтимоий тармоқлардаги indykaila News аккаунти хабар бермоқда.
«Канонирлар» раҳбариятини скандинавиялик ҳужумчининг ушбу мавсумдаги ўйини у қадар ҳайратлантирмади. Клуб ёзги трансфер ойнасида потенциал харидорлардан келадиган таклифларни кўриб чиқишга тайёр. Дьёкерешнинг бозор қиймати 65 миллион еврога баҳоланмоқда, унинг лондонликлар билан тузилган меҳнат шартномаси эса 2030 йил июнь ойи охирида якунига етади.
Жорий АПЛ мавсумида 27 ёшли ҳужумчи 32 та учрашувда майдонга тушиб, ўз ҳисобига 12 та гол (улардан учтаси пенальтидан) ёздириб қўйди.
Розикжон Султонмуродов
Журналист