«Arsenal» Gyokereshni qo‘yib yuborishga tayyor
Uning londonliklar bilan tuzilgan mehnat shartnomasi esa 2030 yil iyun oyining oxirida yakuniga yetadi.
ФОТО: Getty images
Shved markaziy hujumchisi Viktor Gyokeresh joriy mavsum yakunlangach, Londondagi "Arsenal" klubini tark etishi mumkin. Bu haqda ijtimoiy tarmoqlardagi indykaila News akkaunti xabar bermoqda.
"Kanonirlar" rahbariyatini skandinaviyalik hujumchining ushbu mavsumdagi o‘yini unchalik hayratlantirmadi. Klub yozgi transfer oynasida potensial xaridorlardan keladigan takliflarni ko‘rib chiqishga tayyor. Gyokereshning bozor qiymati 65 million yevroga baholanmoqda, uning londonliklar bilan tuzilgan mehnat shartnomasi esa 2030 yil iyun oyining oxirida yakuniga yetadi.
Joriy APL mavsumida 27 yoshli hujumchi 32 ta uchrashuvda maydonga tushib, o‘z hisobiga 12 ta gol (ulardan uchtasi penaltilardan) yozdirib qo‘ydi.
Roziqjon Sultonmurodov
Jurnalist