\"Арсенал\" Гёкерешга йилига қанча маош таклиф қилгани маълум бўлди
Фото: Getty Images
"Арсенал" клуби “Спортинг” ҳужумчиси Виктор Гёкереш учун асосий даъвогар сифатида қаралмоқда. Бу ҳақда A Bola хабар берди.
Қайд этилишича, "тўпчилар" швециялик форвард учун бир қатор йирик клубларга қарши курашда пешқадамлик қилмоқда. Лондонликлар Гёкерешга йилига 8,3 млн евро маош таклиф қилмоқда. Шунингдек, футболчи билан 4 ёки 5 йиллик шартнома таклиф қилмоқчи.
"Арсенал"нинг қисқа рўйхатида Александр Исак ҳам бор. Аммо Лондон клуби бош мураббийи Микель Артетанинг фикрича, Гёкереш билан шартнома имзолаш "Ньюкасл" ҳужумчисидан кўра яхшироқ бўларди.
Викторнинг трансфери 70 ёки 75 миллион еврога тушади. Ҳозирча “Спортинг”га расмий таклифлар келиб тушмаган.
Розикжон Султонмуродов
Журналист
