«Арсенал» Эндрикни ижарага олиши мумкин

Мадриднинг «Реал» клубида етарлича ўйин амалиётига эга бўлмаётган бразилиялик ҳужумчи Эндрик қишки трансфер ойнасида Англияга кўчиб ўтиши мумкин.

Teamtalk маълумотига кўра, 20 ёшли футболчига амалдаги Англия чемпиони Лондоннинг «Арсенал» клуби қизиқиш билдирмоқда. «Канонирлар» январь ойида бразилиялик ҳужумчини ўз сафига қўшиб олишга ҳаракат қилади.

Манбага кўра, лондонликлар Эндрикни ярим мавсумга ижарага олишни режалаштирмоқда. Бунда футболчини мажбурий сотиб олиш банди бўлмайди.

Айни пайтда Эндрикнинг бозор қиймати 40 миллион евро атрофида баҳоланмоқда. Бразилиялик ҳужумчининг «Реал» билан амалдаги шартномаси 2030 йил июнь ойининг охирига қадар мўлжалланган.

Розикжон Султонмуродов

Журналист

0 0 0 0 0 0