“Арсенал” Дьёкерешни фақат бир шарт билан сотишга тайёр
“Арсенал” ҳужумчиси Виктор Дьёкереш қишки трансфер ойнасида Лондон клубини тарк этиши мумкин. Швециялик футболчи жамоадаги ўз ролидан норози экани ва кўпроқ ўйин амалиётига эга бўлиш учун бошқа вариантларни кўриб чиқаётгани айтилмоқда. Бу ҳақда CaughtOffside хабар бермоқда.
Манбага кўра, “Милан”, “Ювентус”, “Ал-Аҳли” ва “Ал-Иттиҳод” футболчига қизиқиш билдирмоқда. Дьёкерешнинг вакиллари мазкур клублар билан дастлабки музокараларни ҳам ўтказган. Бироқ “Арсенал” уни шунчаки сотиб юборишни режалаштирмаяпти.
Лондонликлар Дьёкерешнинг трансферига фақат бир шарт билан розилик бериши мумкин — клуб аввал унинг ўрнига юқори савияли янги ҳужумчини топиши керак. Ҳозирча Микел Артета асосий марказий ҳужумчи сифатида Кай Ҳавертсга кўпроқ ишонч билдирмоқда.
Маълумот учун, Дьёкереш ўтган мавсумда “Арсенал” сафида барча мусобақаларда 21 та гол урган. Жорий мавсумда эса унинг ўйин вақти сезиларли камайган, шу сабаб футболчининг келажаги атрофидаги гап-сўзлар кучайган.
