“Arsenal” Бруно Гимараеш учун 93 млн евро тўлашга тайёр
28 ёшли футболчи фаолиятини лондонликлар сафида давом эттиришга қарши эмас.
ФОТО: Getty Images
TEAMtalk хабарига кўра, “Arsenal” “Ньюкасл” ярим ҳимоячиси Бруно Гимараеш трансфери учун 93 миллион евро тўлаш орқали келишувга эришиш мумкин деб ҳисобламоқда. Лондон клуби бразилиялик футболчини ёзги трансфер ойнасидаги асосий мақсадлардан бири сифатида кўрмоқда.
Манбага кўра, “Arsenal” футболчи билан шахсий шартлар борасида келишувга эришган. Энди клуб “Ньюкасл”ни трансфер суммаси бўйича кўндириш устида ишламоқда. Бироқ инглиз клуби ҳозирча Гимараешни 100 миллион фунт атрофида баҳоламоқда ва уни қўйиб юборишга шошилмаяпти.
28 ёшли бразилиялик ярим ҳимоячи “Arsenal”га ўтишга қарши эмаслиги айтилмоқда. Энди трансфернинг амалга ошиши икки клуб ўртасидаги музокаралар натижасига боғлиқ.
Насрулло Каримов
Журналист