«Арсенал» биринчи, «Барселона» тўртинчи, «Реал» эса тўққизинчи — Goal нашри Чемпионлар Лигаси фаворитлари рейтингини янгилади

Нуфузли Goal портали мутахассислари Чемпионлар Лигасининг 1/8 финал қуръасидан сўнг турнир ғолиблиги учун асосий даъвогарлар рейтингини янгилади. Шаклланган турнир сеткаси рейтингдаги ўринларга жиддий таъсир кўрсатди.

Рейтингнинг юқори икки поғонасини ҳамон «Арсенал» ва «Бавария» эгаллаб турибди. «Канонирлар» ҳали бирор марта ушбу турнирда ғолиб чиқмаганига қарамай, асосий фаворит мақомини сақлаб қолган.

1/8 финалда «Галатасарой»га қарши баҳс олиб борадиган «Ливерпуль» учинчи ўринга кўтарилди. Кучли бешликни эса «Барселона» ва «Манчестер Сити» якунлаб берган.

Goal талқинига кўра ЧЛ фаворитлари (Топ-10):

1. «Арсенал»
2. «Бавария»
3. «Ливерпуль»
4. «Барселона»
5. «Манчестер Сити»
6. «ПСЖ»
7. «Атлетико» Мадрид
8. «Спортинг»
9. «Реал» Мадрид
10. «Челси»

Қизиқарли жиҳати шундаки, 1/8 финалда «Манчестер Сити» билан тўқнаш келадиган турнирнинг амалдаги ғолиби — «Реал» рейтингда 9-ўрингача пасайди.

Насрулло Каримов

Журналист