«Арсенал» Баркола бўйича «ПСЖ»га мурожаат қилди
«ПСЖ» вингери Брэдли Баркола фаолиятири АПЛда давом эттириши мумкин. Бу ҳақда The Independent нашри хабар бермоқда.
Манбага кўра, 23 ёшли вингер футболчи Лондоннинг «Арсенал»ига ўтиши мумкин. Инглиз гранди расмий таклиф юборишдан олдин битимнинг керакли тафсилотларини аниқлаш устида ишламоқда.
Таъкидланишича, «ПСЖ» бу ёзда франциялик футболчини клубда сақлаб қолишни афзал кўрмоқда, бироқ мос таклиф тушган тақдирда унинг кетиши эҳтимолини ҳам истисно этмаяпти.
Transfermarkt портали футболчининг бозор қийматини 70 миллион еврога баҳоламоқда.
Ўтган мавсумда Баркола барча турнирларда 49 та ўйинда майдонга тушиб, 13 та гол урди ва 7 та голли узатмани амалга оширди.
Футболчининг парижликлар клуби билан амалдаги меҳнат шартномаси 2028 йилнинг ёзигача мўлжалланган.
