Арсенал «Аякс» билан Александр Зинченко трансфери бўйича келишувга эришди
«Арсенал» «Аякс» билан ҳимоячи Александр Зинченко трансфери бўйича келишувга эришди. Футболчи «Ноттингем Форест»дан Амстердам клуби сафига ўтишга яқин турибди. TEAMtalk маълумотларига кўра, Зинченко «Ноттингем Форест»даги фаолиятини якунламоқда.
Ҳимоячи 2025 йили ёзги трансфер ойнаси охирги кунида «Арсенал»дан ижарага «Ноттингем Форест»га келган эди. Клубда қолган вақтида Зинченко жами 10 та ўйинда майдонга тушди, шундан фақат 4 тасида асосий таркибда ўйнади. «Форест»да асосий жамоага кира олмади.
Манбага кўра, «Аякс» «Арсенал» билан ҳимоячини мавсум охиригача ижарага олиш бўйича келишувга эришган. Зинченко ҳам Нидерланд клубига ўтишга розилик билдирган. Унинг «Арсенал» билан шартномаси мавсум охирида якунланади ва «Аякс» режаси шундан иборатки, футболчи билан кейинги йилларга ҳам шартнома имзолаш.
Ҳозирда Эредивизия турнир жадвалида учинчи ўринда турган Нидерланд клуби трансферни иложи борича тезроқ якунламоқчи. Шу сабабли, ҳимоячи трансфери яқин кунларда амалга ошиши кутилмоқда.
