«Арсенал» Альварес трансферига кўз тиккан
Альвареснинг «матрасчилар» билан амалдаги шартномаси 2030 йил июнь ойининг охирига қадар тузилган.
Фото: Getty Images
Испаниянинг «Атлетико» клубида тўп сураётган юлдуз ҳужумчи Хулиан Альварес Лондоннинг «Арсенал» клуби трансфер мақсадлари рўйхатида қолмоқда. Бу ҳақда журналист Экрем Конур ижтимоий тармоқларда хабар берди.
«Тўпчилар» раҳбарияти аргентиналик футболчини сотиб олишга бўлган қизиқишини сақлаб қолмоқда. Яқин ҳафталар ичида эҳтимолий трансфер бўйича янги хабарлар пайдо бўлиши мумкин. Альварес яқинда агентини алмаштирди ва клубини ўзгартиришни истамоқда.
26 ёшли аргентиналик футболчининг Transfermarkt порталидаги бозор қиймати 110 миллион евро этиб баҳоланмоқда. Альвареснинг «матрасчилар» билан амалдаги шартномаси 2030 йил июнь ойининг охирига қадар тузилган.
