«Арсенал» қайси футболчи энг кўп маош олиши эълон қилинди
Transfermarkt портали “Арсенал” клуби футболчиларининг йиллик маошлари ҳақида қизиқарли рейтингни эълон қилди.
Унга кўра, жароҳати сабаб жамоага ёрдам бера олмаётган Кай Хаверц “тўпчилар”да энг кўп маош олади. Германиялик футболчи йилига 16,9 миллион евро иш ҳақи олади. Унинг клуб билан битими 2028 йилнинг ёзига қадар мўлжалланган.
Иккинчи ўринда яна бир жароҳатланган ҳужумчи – Габриэль Жезус. Унинг маоши 16 миллион еврони ташкил этади.
Учинчи ва тўртинчи ўринларда клуб етакчилари Мартин Эдегор ҳамда Деклан Райс жой олган. Ҳар иккаласи йилига 14,5 миллион евро олади.
Яқинда жамоага келган Виктор Дьёкереш бешинчи ўриндан жой олди. Унинг маоши 12 миллион евро.
Рейтингдаги охирги ўринлар ҳам қизиқарли: ёзги трансферлар вақтида келган ярим ҳимоячи Мартин Субименди 19-ўринда – унинг йиллик маоши бор-йўғи 4,5 миллион евро.
