Ҳарри Кейннинг интервьюси пайтида журналистлар ўртасида муштлашув келиб чиқди
Футбол бўйича 2026-йилга Жаҳон чемпионатининг учинчи ўрин учун кечган баҳсидан сўнг, Англия терма жамоаси ҳужумчиси Ҳарри Кейн флеш-интервью бераётган вақтда оммавий ахборот воситалари ходимлари ўртасида муштлашув содир бўлди. Бу ҳақда Goal нашри хабар бермоқда. Эслатиб ўтамиз, ушбу кичик финалда Англия Францияни 6:4 ҳисобига мағлуб этиб, бронза медалларига эга чиққанди.
Хабарларга кўра, бир гуруҳ инглиз журналистлари маҳаллий (мезбон) репортёрнинг йўлини жисмоний куч ишлатиб тўсиб қўйишган ва унинг тасвирга олишига халакит бериш учун четга суриб юборишган. Ушбу келишмовчилик тезда муштлашувга айланиб кетган ва оқибатда интервью жараёни бузилган. Вазият бошқа ОАВ вакиллари ҳамда турнир хавфсизлик хизмати ходимларининг диққат марказига тушган. Жабрланган маҳаллий репортёр ёрдам сўраб ФИФА вакилларига ва стадионда бўлиб турган Майами полицияси ходимларига мурожаат қилган.
Эслатиб ўтамиз, амалдаги жаҳон чемпиони Аргентина терма жамоаси ҳисобланади. 2022-йилги дунё биринчилиги финалида Аргентина ва Франция ўртасидаги учрашувнинг асосий вақти 3:3 ҳисобига якунланган, пенальтилар сериясида эса жанубий америкаликларнинг қўли баланд келган эди (4:2).
