Ҳарри Кейн жорий мавсум якунларига кўра «Олтин бутса» учун яққол даъвогарлик қилмоқда
Мюнхеннинг «Бавария» клуби ҳужумчиси Ҳарри Кейн 2025/2026 йилги мавсум якунларига кўра «Олтин бутса» совринига асосий даъвогарлар рейтингига бошчилик қилмоқда.
Инглиз футболчиси миллий чемпионатда 30 та гол уришга муваффақ бўлди ва бу кўрсаткич унга 60 очко тақдим этди. Мадриднинг «Реал» клуби ҳужумчиси Килиан Мбаппе эса англиялик рақибидан 14 очкога орқада қолмоқда (23 та гол). Кучли учликни «Манчестер Сити» ҳужумчиси Эрлинг Холанд якунлаб турибди — унинг ҳисобига 22 та гол ва 44 очко мавжуд.
Очколарни ҳисоблаш тизими қуйидагича: футболчининг чемпионатда урган гуллари сони ўша биринчиликнинг тегишли коэффициентига кўпайтиради. Кучли бешликка кирадиган миллий чемпионатларда урилган ҳар бир гол 2 очко, 6-ўриндан 21-ўрингача бўлган чемпионатларда 1,5 очко, қолганларида эса 1 очко билан баҳоланади.
Эслатиб ўтамиз, 2024/2025 йилги мавсумда «Олтин бутса» соврини Килиан Мбаппега насиб этган эди. 26 ёшли футболчи Ла Лигадаги дебют мавсумида 31 та гол уришга эришган.
