Ҳарри Кейн Тухельнинг ишига баҳо берди
Англия миллий жамоаси сардори Ҳарри Кейн бош мураббий Томас Тухельнинг илк йирик мусобақадаги фаолияти ҳақида ўз фикрлари билан ўртоқлашди.
«Бу унинг биринчи йирик турнири эди. Ўйлайманки, у жамоа, бутун мусобақа давомидаги жараёнлар, сафарлар, ўйинлар ва бу даражада иштирок этиш учун нималар талаб қилиниши, шунингдек, босимни қандай енгиш кераклиги ҳақида жуда кўп нарсани ўрганди», — деди Кейн. BBC унинг сўзларини келтирмоқда.
Томас Тухель Англия миллий жамоаси бош мураббийи лавозимига 2025 йилнинг 1 январь куни тайинланган эди. 2026 йилги жаҳон чемпионати немис мутахассиси учун миллий жамоа бошқарувидаги илк йирик халқаро мусобақа бўлди.
Эслатиб ўтамиз, Англия терма жамоаси Жаҳон чемпионатида учинчи ўринни эгаллаб, мусобақанинг бронза медалларини қўлга киритди.
