Ҳарри Кейн «Тоттенхэм»ни АПЛда жон сақлаб қолгани билан табриклади
«Бавария» ҳужумчиси Гарри Кейн ўзининг собиқ жамоаси «Тоттенхэм»ни Англия Премьер-лигаидаги мавсумни муваффақиятли якунлагани билан табриклади.
«Тоттенхэм» чемпионатнинг сўнгги, 38-турида «Эвертон» устидан 1:0 ҳисобида ғалаба қозониб, АПЛда жон сақлаб қолди. Лондонликлар 38 ўйиндан сўнг 41 очко жамғарган ҳолда турнир жадвалида 17-ўринни эгаллашди ва хавфли зонанинг икки очкога олдинга чиқишди.
«Клубдаги барчани, айниқса мухлисларни табриклайман — сўнгги турда ажойиб кураш ва керакли натижа қайд этилди!» — дейилади Кейннинг ижтимоий тармоқдаги саҳифасида қолдирган хабарда.
Ҳарри Кейн 2011 йилдан 2023 йилнинг август ойигача «Тоттенхэм» шарафини ҳимоя қилган. Ушбу давр мобайнида у уч марта — 2015, 2021 ва 2023 йилларда клубда йилнинг энг яхши футболчиси деб топилган.
