Harri Keyn «Tottenhem»ni APLda jon saqlab qolgani bilan tabrikladi
«Bavariya» hujumchisi Garri Keyn o‘zining sobiq jamoasi «Tottenhem»ni Angliya Premyer-ligasidagi mavsumni muvaffaqiyatli yakunlagani bilan tabrikladi.
«Tottenhem» chempionatning so‘nggi, 38-turida «Everton» ustidan 1:0 hisobida g‘alaba qozonib, APLda jon saqlab qoldi. Londonliklar 38 o‘yindan so‘ng 41 ochko jamg‘argan holda turnir jadvalida 17-o‘rinni egallashdi va xavfli zonadan ikki ochkoga o‘zib ketishdi.
«Klubdagi barchani, ayniqsa muxlislarni tabriklayman — so‘nggi turda ajoyib kurash va kerakli natija qayd etildi!» — deyiladi Keynning ijtimoiy tarmoqdagi sahifasida qoldirgan xabarida.
Harri Keyn 2011 yildan 2023 yilning avgustiga qadar «Tottenhem» sharafini himoya qilgan. Ushbu davr mobaynida u uch marta — 2015, 2021 va 2023 yillarda klubda yilning eng yaxshi futbolchisi deb topilgan.
