Ҳарри Кейн “Олтин тўп” ҳақида: “Бу мен учун улкан ютуқ бўларди”
“Бавария” ва Англия терма жамоаси ҳужумчиси Ҳарри Кейн 2026-йилги “Олтин тўп”ни қўлга киритиш имконияти ҳақида фикр билдирди. Футболчи совриннинг бу йил Лондонда топширилиши унинг учун алоҳида аҳамиятга эга эканини таъкидлади. Кейн бу ҳақда “Бавария” клуб журналига берган интервьюсида гапирди.
Манбага кўра, Кейн Англия футболчилари 20 йилдан ортиқ вақт давомида “Олтин тўп”ни қўлга кирита олмаганини эслатди. “Олтин тўп”ни ютиш мен учун улкан ютуқ бўларди. Аммо ҳозир бор эътиборимни ушбу мавсумда юқори савияда ўйнашга қаратганман”, — деди ҳужумчи.
Кейн ўтган мавсумда клуб ва терма жамоа сафида 73 та гол уриб, индивидуал соврин учун курашда ўз номини жиддий тилга олдирди. Ҳужумчининг ўзи эса аввалги мавсумдаги натижалардан кўра янги мавсумда ўз даражасини сақлаб қолиш ва янада ривожланишга эътибор қаратаётганини айтган.
Маълумот учун, 2026-йилги “Олтин тўп”ни топшириш маросими 26-октябрь куни Лондонда бўлиб ўтади. Англиялик футболчилардан ушбу совринни охирги марта Майкл Оуэн 2001-йилда қўлга киритган.
