Арнаутович — Австрия терма жамоасининг жаҳон чемпионатларидаги энг кекса гол муаллифи
Марко 37 ёшу 59 кунлигида тўп киритди.
ФОТО: Getty images
Австрия терма жамоасининг 37 ёшли ҳужумчиси Марко Арнаутович миллий жамоа тарихида жаҳон чемпионатларида гол урган энг кекса футболчига айланди, деб хабар бермоқда Opta.
ЖЧ-2026 доирасидаги Иорданияга қарши кечган биринчи ўйинда (3:1) Арнаутович қўшиб берилган вақтда пенальтини аниқ амалга ошириб, 37 ёшу 59 кунлигида тўп киритди.
Шу тариқа, у 1998 йилги жаҳон чемпионатида Камерун дарвозасига (1:1) гол урганида 34 ёшу 93 кунлик бўлган Тони Польстернинг рекордини янгилади.
Австрия терма жамоаси навбатдаги ўйинини 22 июнь куни ўтказади. Жамоа Далласда Аргентина билан учрашади.
2026 йилги жаҳон чемпионати 11 июндан 19 июлгача АҚШ, Канада ва Мексикада бўлиб ўтмоқда. Аргентина терма жамоаси амалдаги жаҳон чемпиони ҳисобланади.
Розикжон Султонмуродов
Журналист