Arnautovich Avstriya terma jamoasining jahon chempionatlaridagi eng keksa gol muallifi bo‘ldi
Avstriya terma jamoasining 37 yoshli hujumchisi Marko Arnautovich milliy jamoa tarixida jahon chempionatlarida gol urgan eng keksa futbolchiga aylandi, deb xabar bermoqda Opta.
JCh-2026 doirasidagi Iordaniyaga qarshi kechgan birinchi o‘yinda (3:1) Arnautovich qo‘shib berilgan vaqtda penaltini aniq amalga oshirib, 37 yosh-u 59 kunligida to‘p kiritdi.
Shu tariqa, u 1998 yilgi jahon chempionatida Kamerun darvozasiga (1:1) gol urganda 34 yosh-u 93 kunlik bo‘lgan Toni Polsterning rekordini yangiladi.
Avstriya terma jamoasi navbatdagi o‘yinini 22 iyun kuni o‘tkazadi. Jamoa Dallasda Argentina bilan uchrashadi.
2026 yilgi jahon chempionati 11 iyundan 19 iyulgacha AQSh, Kanada va Meksikada bo‘lib o‘tmoqda. Argentina terma jamoasi amaldagi jahon chempioni hisoblanadi.
