Арман Сарукян UFC'даги маоши икки баравар оширилганини эълон қилди
UFC енгил вазн тоифаси рейтингида иккинчи ўринда бораётган, Арманистон шарафини ҳимоя қилаётган Арман Сарукян лига билан тузилган янги шартнома асосида унинг маоши икки бараварга ошганини маълум қилди.
«UFC Paramount компанияси билан келишувга эришганидан сўнг, жангчиларнинг маоши кўтарилди. Мен билан ҳам, бошқа чемпионлар билан ҳам шартномалар қайта тузилди. Масалан, илгари 2 миллион доллар олганлар энди 4 миллион доллар ишлаб топишади.
Бироқ, бу барибир боксчиларнинг гонорарлари билан тенг эмас. Ўйлайманки, 3–4 йилдан кейин вазият албатта ўзгаради, бу ҳолат абадий давом этиши мумкин эмас. Ҳар ҳолда, агар сен UFC чемпиони бўлсанг ва ўз камарингни ҳимоя қилаётган бўлсанг, камида 10 миллион доллар ишлаб топишинг керак», — дея таъкидлади Сарукян Ryan Garcia Kick YouTube каналига берган интервьюсида.
