Аргентина ҳимоячиси ярим финални ўтказиб юбориши мумкин
Аргентина терма жамоаси ҳимоячиси Гонсало Монтиэль 2026 йилги Жаҳон чемпионати ярим финалида иштирок этмаслик хавфи остида турибди.
Монтиэль чорак финал доирасидаги Швейцарияга қарши учрашувда сариқ карточка олса, Аргентина кейинги босқичга йўл олган тақдирда ҳам ярим финал баҳсини дисквалификация сабаб ўтказиб юборади.
Ҳозирда Аргентина таркибида сариқ карточкалари сони туфайли дисквалификация хавфи остида турган ягона футболчи айнан Гонсало Монтиэль ҳисобланади.
Аргентина ва Швейцария терма жамоалари ўртасидаги Жаҳон чемпионати чорак финал учрашуви 12-июль куни Тошкент вақти билан соат 06:00 да бошланади.
Эслатиб ўтамиз, Аргентина амалдаги жаҳон чемпиони ҳисобланади. Лионель Скало́ни бошчилигидаги жамоа 2022 йилги мундиал финалида Францияни пенальтилар сериясида мағлуб этган эди.