«Аргентина билан эришган барча ютуқларинг учун сенга чексиз ҳурматимни билдираман» — Роналду Месси ҳақида
Криштиану аргентиналик ҳужумчининг миллий жамоадаги фаолиятини якунлагани муносабати билан унга тилакларини йўллади.
photo: gettyimages
Португалиялик 41 ёшли футболчи Криштиану Роналду Лионель Мессининг Аргентина миллий жамоаси билан хайрлашувига бағишланган пости остида изоҳ қолдирди.
Роналду аргентиналик футболчининг миллий жамоадаги узоқ йиллик фаолияти ва эришган ютуқларига ҳурмат билдирди.
«Лео, сен шунча йил давомида ўз мамлакатинг шарафини ҳимоя қилдинг ва абадий қоладиган тарих яратдинг. Аргентина билан эришган барча ютуқларинг учун сенга чексиз ҳурматимни билдираман. Қучоқлаб қоламан», — деб ёзди Роналду.
Эслатиб ўтамиз, Лео Бенига қарши ўртоқлик беллашувида аргентиналиклар сафидаги сўнгги учрашувини ўтказди. Бу беллашувда у нафақат гол урди, шу билан биргаликда 2 та ассистни ҳам қайд этди.
