Арбелоанинг мураббийлар штаби маълум бўлди
Уларнинг кўп "Реал Кастилья"да бирга ишлаган.
ФОТО: Getty images
“Реал” клуби бош мураббийи лавозимига тайинланган испаниялик мутахассис Альваро Арбелоанинг мураббийлар штаби эълон қилинди.
“Реал Мадрид”нинг расмий сайтида келтирилган маълумотларга кўра, Арбелоанинг ёрдамчилари этиб Хулиан Кармона, Кевин Кардеиро ва Рикардо да Сильва тайинланди.
Уларнинг барчаси мураббий билан “Кастиля”да бирга ишлаган, Рикардо да Сильва эса жисмоний тайёргарлик бўйича масъул бўлган.
Шунингдек, техник таҳлилчи лавозимига Франсис Санчес тайинланди. У ҳам аввалроқ мадридликларнинг ёшлар жамоасида фаолият олиб борган. Жисмоний тайёргарлик бўйича мураббий сифатида Антонио Пинтус қайд этилди. Дарвозабонлар билан ишловчи мураббий этиб эса Луис Лопис тайинланди.
Розикжон Султонмуродов
Журналист