Арбелоа Трент Александр-Арнолдга «Реал»ни тарк этишни маслаҳат берди
Мадриднинг «Реал» клуби бош мураббийи Алваро Арбелоа ҳимоячи Трент Александр-Арнолдга ўз манфаатлари йўлида жамоани тарк этишни маслаҳат берди. Бу ҳақда El Nacional нашри хабар бермоқда.
Манбага кўра, музокаралар чоғида Арбелоа футболчини узоқ муддатли режаларида ҳисобга олмаслигини билдирган. Шунингдек, бош мураббий Александр-Арнолд оёғидан олган жароҳатидан тўлиқ тузалиб қайтгач ҳам асосий таркибда мунтазам майдонга тушмаслигини очиқ айтган.
Англиялик футболчи «Реал» сафига ўтган ёзда қўшилган. У барча мусобақаларда 11 та учрашувда майдонга тушиб, битта голли узатма амалга оширган.
Футболчининг мадридликлар билан амалдаги шартномаси 2031 йил ёзигача мўлжалланган. «Transfermarkt» портали маълумотига кўра, унинг бозор қиймати 70 миллион еврони ташкил этади.
