Arbeloa Trent Aleksander-Arnoldga «Real»ni tark etishni maslahat berdi
Madridning «Real» klubi bosh murabbiyi Alvaro Arbeloa himoyachi Trent Aleksander-Arnoldga o‘z manfaatlari yo‘lida jamoani tark etishni maslahat berdi. Bu haqda El Nacional nashri xabar bermoqda.
Manbaga ko‘ra, muzokaralar chog‘ida Arbeloa futbolchini uzoq muddatli rejalarida hisobga olmasligini bildirgan. Shuningdek, bosh murabbiy Aleksander-Arnold oyog‘idan olgan jarohatidan tiklanib qaytgach ham asosiy tarkibda muntazam maydonga tushmasligini ochiq aytgan.
Angliyalik futbolchi «Real» safiga o‘tgan yozda kelib qo‘shilgan. U barcha musobaqalarda 11 ta uchrashuvda maydonga tushib, bitta golli uzatma amalga oshirgan.
Futbolchining madridliklar bilan amaldagi shartnomasi 2031 yil yozigacha mo‘ljallangan. «Transfermarkt» portali ma’lumotiga ko‘ra, uning bozor qiymati 70 million yevroni tashkil etadi.
