Арбелоа: «Реал» қийин синовларни енгиб ўтиш орқали тарихга кирган»
Мадриднинг «Реал» клуби бош мураббийи Альваро Арбелоа УЕФА Чемпионлар Лигаси чорак финали доирасида Мюнхеннинг «Бавария» жамоасига қарши бўладиган жавоб учрашуви олдидан жамоанинг кайфияти ҳақида тўхталиб ўтди. Эслатиб ўтамиз, ҳал қилувчи баҳс 15 апрел куни бўлиб ўтади.
«Бизда экспериментлар қилиш учун вақт йўқ ва Мюнхендаги ўйинни интизорлик билан кутяпмиз. Биринчи ўйиннинг якуний ҳуштаги чалингандан бери биз «Арена Мюнхен»га бориб, нималарга қодир эканимизни кўрсатишга шаймиз. «Реал» чоршанба куни каби қийин синовларни енгиб ўтиш орқали тарихга кирган. Бироқ, дастлаб эртанги баҳсга («Жирона»га қарши Ла Лига ўйини) эътибор қаратишимиз лозим.
Мен буни футболчиларга тез-тез такрорлаб тураман. Чоршанба куниги ўйин эртадан бошланади ва биз ажойиб ўйин кўрсатиб, бор кучимизни сарфлашимиз керак. Тикланиш учун етарли вақтимиз бор. Олдинда тўрт кун бор ва ҳамма эртага ўз мухлислари қаршисида борини беришга эътибор қаратиши шарт. Ягона мақсад — ажойиб ўйин намойиш этиш», — дея Арбелоанинг сўзларини келтирмоқда «Реал» расмий сайти.
Маълумот ўрнида, жамоалар ўртасидаги дастлабки учрашувда мюнхенликлар 2:1 ҳисобига ғалаба қозонишган эди.
