Arbeloa: «Real» qiyin sinovlarni yengib oʻtish orqali tarixga kirgan»
Madridning «Real» klubi bosh murabbiyi Alvaro Arbeloa UEFA Chempionlar Ligasi chorak finali doirasida Myunxenning «Bavariya» jamoasiga qarshi bo‘ladigan javob uchrashuvi oldidan jamoaning kayfiyati haqida to‘xtalib o‘tdi. Eslatib o‘tamiz, hal qiluvchi bahs 15 aprel kuni bo‘lib o‘tadi.
«Bizda eksperimentlar qilish uchun vaqt yo‘q va Myunxendagi o‘yinni intizorlik bilan kutayotganimiz aniq. Birinchi o‘yinning yakuniy hushtagi chalinganidan buyon biz «Arena Myunxen»ga borib, nimalarga qodir ekanimizni ko‘rsatishga shaymiz. «Real» chorshanba kungi kabi qiyin sinovlarni yengib o‘tish orqali tarixga kirgan. Biroq, dastlab ertangi bahsga («Jirona»ga qarshi La Liga o‘yini) e’tibor qaratishimiz lozim.
Men buni futbolchilarga tez-tez takrorlab turaman. Chorshanba kungi o‘yin ertadan boshlanadi va biz ajoyib o‘yin ko‘rsatib, bor kuchimizni sarflashimiz kerak. Tiklanish uchun yetarli vaqtimiz bor. Oldinda to‘rt kun bor va hamma ertaga o‘z muxlislari qarshisida borini berishga e’tibor qaratishi shart. Yagona maqsad — ajoyib o‘yin namoyish etish», — deya Arbeloaning so‘zlarini keltirmoqda «Real» rasmiy sayti.
Ma’lumot o‘rnida, jamoalar o‘rtasidagi dastlabki uchrashuvda myunxenliklar 2:1 hisobida g‘alaba qozonishgan edi.
