Қаҳрамон Асланов Валверденинг \"Атлетик\"ни қандай руҳлантира олишини айтди
Ўз майдонида “Манчестер Юнайтед”дан 0:3 ютқазган “Атлетик” мураббийи Эрнесто Валверде жавоб ўйини олдидан шогирдларини нималар деб руҳлантириши мумкин, деб ўйлаб қолдим. Топдим ҳам.
- Йигитлар, футболда уч тўп фарқини йўққа чиқариш иложсиз нарса эмас. Эпласак бўлади. Етти йил аввал “Барселона”ни бошқарган пайтимда уйда “Рома”ни 4:1 ҳисобида ютганман, лекин улар жавоб ўйинида учта гол уриб, камбек қилишган. Нега биз “Рома” қилган ишни қилмаслигимиз керак?
- Лекин босс, бизда Уильямслар ҳам, Сансет ҳам йўқ, қандай қилиб етакчи футболчиларсиз ремонтода қиламиз?
- Олти йил аввал “Барселона”ни бошқарганимда биринчи ўйинда “Ливерпуль”ни 3:0 ҳисобида ютгандим. Жавоб ўйинида Фирмино, Салоҳ каби футболчилар жароҳат олиб, “Ливерпуль”га ёрдам бера олмайдиган бўлишганди.
- Хўш, хўш?
- Бизга тўртта уриб финалга чиқишганди. Хуллас, эпласак бўлади!
Ҳа, тажриба жуда фойдали бойлик