«Ар-Райян» Митрович трансферини эълон қилди
ФОТО: Getty images
Қатарнинг “Ар-Райян” клуби сербиялик футболчи Александр Митрович трансферини эълон қилди.
“Ал-Ҳилол”нинг 30 ёшли ҳужумчиси энди фаолиятини Қатар чемпионатида давом эттиради. Митрович Риёд жамоаси билан шартномани бекор қилган.
Маълумот учун, Митрович 2023 йилнинг ёзидан буён Саудия клубида тўп сурмоқда. Бу давр ичида у барча турнирларда 79 та ўйинда майдонга тушиб, 68 та гол урди ва 15 та голли узатмани амалга оширди.
30 ёшли форвард аввалроқ “Андерлехт”, “Ньюкасл”, “Фулхэм” ва бошқа жамоалар шарафини ҳам ҳимоя қилган.
Розикжон Султонмуродов
Журналист