«Ar-Rayyan» Mitrovich transferini e’lon qildi
ФОТО: Getty images
Qatarning “Ar-Rayyan” klubi serbiyalik futbolchi Aleksandar Mitrovich transferini rasman e’lon qildi.
“Al-Hilol”ning 30 yoshli hujumchisi endi faoliyatini Qatar chempionatida davom ettiradi. Mitrovich Riyod jamoasi bilan shartnomasini bekor qilgan.
Ma’lumot uchun, Mitrovich 2023 yilning yozidan beri Saudiya klubida to‘p surmoqda. Bu davr mobaynida u barcha turnirlarda 79 ta o‘yinda maydonga tushib, 68 ta gol urdi va 15 ta golli uzatmaga mualliflik qildi.
30 yoshli forvard avvalroq “Anderlext”, “Nyukasl”, “Fulhem” va boshqa jamoalar sharafini ham himoya qilgan.
Roziqjon Sultonmurodov
Jurnalist