АПЛнинг тўрт топ-клуби “Атлетико” ҳимоячисига қизиқиш билдирмоқда
Мадриднинг “Атлетико” клуби ҳимоячиси Марк Пубиль фаолиятини Англия Премьер-лигасида давом эттириши мумкин. 23 ёшли футболчига “Ливерпуль”, “Манчестер Юнайтед”, “Арсенал” ва “Челси” клублари қизиқиш билдирмоқда. Бу ҳақда журналист Экрем Конур маълум қилди.
Манбага кўра, “Атлетико” футболчисини сотиш масаласини фақат катта таклиф тушган тақдирдагина кўриб чиқиши мумкин. Мадридликлар Пубиль трансферидан 55–60 миллион евро ишлаб олишни режалаштирмоқда. Ҳозирча клублар ўртасида расмий музокаралар бошлангани ҳақида маълумот йўқ.
“Арсенал” аввалроқ ҳам испаниялик ҳимоячининг трансфери бўйича қизиқиш билдирган эди. Бироқ “Атлетико” ўша пайтда футболчини сотиш ниятида эмаслигини билдирган. Пубиль марказий ҳимояда ҳам, ўнг қанотда ҳам ҳаракат қила олиши билан ажралиб туради.
Маълумот учун, Марк Пубиль жорий Ла Лига мавсумида учта учрашувда майдонга тушиб, битта гол урди. Унинг “Атлетико” билан амалдаги шартномаси 2030 йилнинг 30 июнига қадар мўлжалланган.
