АПЛнинг икки клуби Пономаренкога қизиқиш билдирмоқда
Англиянинг «Борнмут» ва «Брентфорд» клублари Киевнинг «Динамо» жамоаси ҳужумчиси Матвей Пономаренкога жиддий қизиқиш билдирмоқда. Бу ҳақда X ижтимоий тармоғида профессионал видеоскаут Эмир хабар берди.
Манба маълумотига кўра, инглиз клублари скаутлари ёш форварднинг ривожланишини диққат билан кузатиб бормоқда ва яқин вақт ичида эҳтимолий трансфер бўйича аниқ музокараларга ўтиши мумкин.
Қайд этилишича, футболчининг тахминий трансфер қиймати 20 миллион евро атрофида баҳоланмоқда.
Жорий мавсумда Пономаренко юқори натижадорлик намойиш этмоқда: у Украина чемпионатида 14 та ўйинда иштирок этиб, 12 та гол урган. Шунингдек, «Динамо»нинг ёшлар жамоасида 6 та ўйинда 8 та гол муаллифи бўлган. Футболчи катталар миллий терма жамоасида ҳам тўп сурмоқда ва Жаҳон чемпионати саралаш баҳсларида гол уришга улгурган.
