АПЛнинг икки клуби Нмеча учун курашиши мумкин
Унинг «Боруссия» билан амалдаги шартномаси 2030 йил июнь ойи охиригача мўлжалланган.
ФОТО: Getty images
Дортмунднинг «Боруссия» клубига тегишли ярим ҳимоячи Феликс Нмеча Англия Премьер-лигасининг бир қатор топ-клублари қизиқишини уйғотмоқда.
Журналист Экрем Конур маълумотига кўра, 25 ёшли футболчига «Ливерпуль» ва «Манчестер Сити» даъвогарлик қилмоқда.
Нмечанинг трансфери қишки ойнада амалга ошиши мумкин. Бунинг учун харидор клуб 80–90 миллион евро миқдорида таклиф билан чиқиши керак бўлади.
Германия чемпионатининг жорий мавсумида ярим ҳимоячи учта учрашувда иштирок этиб, икки марта гол урди. Унинг «Боруссия» билан амалдаги шартномаси 2030 йил июнь ойи охиригача мўлжалланган.
