APLning ikki klubi Nmecha uchun kurashishi mumkin

Dortmundning «Borussiya» klubiga tegishli yarim himoyachi Feliks Nmecha Angliya Premyer-ligasining bir qator top-klublari qiziqishini uyg‘otmoqda.

Jurnalist Ekrem Konurning ma’lumotiga ko‘ra, 25 yoshli futbolchiga «Liverpul» va «Manchester Siti» da’vogarlik qilmoqda.

Nmechaning transferi qishki oynada amalga oshishi mumkin. Buning uchun xaridor klub 80–90 million yevro miqdorida taklif bilan chiqishi kerak bo‘ladi.

Germaniya chempionatining joriy mavsumida yarim himoyachi uchta uchrashuvda ishtirok etib, ikki marta gol urdi. Uning «Borussiya» bilan amaldagi shartnomasi 2030-yil iyun oyi oxirigacha mo‘ljallangan.

Roziqjon Sultonmurodov

Jurnalist

0 0 0 0 0 0