АПЛнинг икки клуби Мармуш учун даъвогар
Футболчининг шартномаси 2029 йилнинг ярмигача мўлжалланган.
ФОТО: Getty images
"Манчестер Сити" ҳужумчиси Омар Мармуш Англиянинг бошқа бир клуби - Бирмингемнинг "Астон Вилла" клуби қизиқишлари доирасида бўлиб турибди. Бу ҳақда Teamtalk журналисти Дин Жонс хабар берди.
Шунингдек, “Тоттенхэм” клуби ҳам мисрлик 26 ёшли футболчига даъвогарлик қилмоқда.
"Манчестер Сити" эса мавсум ўртасида Омар билан хайрлашишни истамаяпти.
Мармуш ўтган йилнинг январида "шаҳарликлар" сафига қўшилган эди. Футболчининг шартномаси 2029 йилнинг ярмигача мўлжалланган. Transfermarkt экспертлари Мармушнинг бозор нархини 65 миллион еврога баҳоламоқда.
Розикжон Султонмуродов
Журналист