АПЛнинг икки клуби Бремерга қизиқиш билдирмоқда
Аввалроқ туринликлар футболчини тахминан 70 миллион еврога баҳолаган эди.
ФОТО: Getty images
Туриннинг “Ювентус” клуби ҳимоячиси Бремер Англия Премьер-лигасининг икки гранди диққат марказига тушди. Унга “Манчестер Юнайтед” ва “Ливерпуль” қизиқиш билдирмоқда. Бу ҳақда La Gazzetta dello Sport хабар берди.
Манбага кўра, 29 ёшли бразилиялик ҳимоячи агар жамоаси мавсум якунида Чемпионлар лигасига йўлланма ололмаса, ўз келажагини қайта кўриб чиқиши мумкин. Унинг «Ювентус» билан амал қилаётган шартномаси 2029 йилгача мўлжалланган бўлса-да, ёзги трансфер ойнасида кетиш эҳтимоли юқори баҳоланмоқда.
Аввалроқ туринликлар футболчини тахминан 70 миллион еврога баҳолаган эди. Аммо ҳозирда клуб харидорлар учун янада қулай шартларда тушадиган таклифларни кўриб чиқишга тайёр экани таъкидланмоқда.
Розикжон Султонмуродов
Журналист
