АПЛнинг 3 клуби Делап учун курашмоқда
«Челси» футболчисини 50 млн фунтга — тахминан 58 млн еврога баҳоламоқда.
ФОТО: Getty images
«Челси» ҳужумчиси Лиам Делап ёзги трансфер ойнаси якунлангунига қадар жамоани тарк этиши мумкин. Бу ҳақда журналист Бен Жейкобс хабар берди.
23 ёшли англиялик футболчига Премьер-лиганинг «Лидс» ва «Ноттингем Форест» жамоалари жиддий қизиқмоқда. Шунингдек, «Эвертон» ҳам ҳужумчини ўз сафига қўшиб олишни режалаштирган.
«Челси» футболчисини 50 млн фунтга — тахминан 58 млн еврога баҳоламоқда. Даъвогар клублар эса келишувни 40 млн фунт, яъни қарийб 47 млн евро атрофида амалга ошириш мумкин деб ҳисобламоқда.
Делап «Челси»га 2025 йил ёзида «Ипсвич»дан 30 млн фунт эвазига келиб қўшилган эди. Бунгача у «Ипсвич» сафида АПЛда 37 та учрашувда 12 та гол уриб, жамоанинг энг яхши тўпурари бўлган.
Розикжон Султонмуродов
Журналист