АПЛда ўтган мавсумнинг энг яхши футболчиларидан иборат рамзий жамоа эълон қилинди
Нуфузли Opta Analyst статистик портали ўзининг расмий сайтида Англия Премьер-лигасининг 2025/2026 йилги мавсуми якунларига кўра энг яхши футболчиларидан иборат рамзий терма жамоасини эълон қилди. Қайд этилган якунги кўрсаткичлар ва таҳлилларга кўра тузилган ушбу таркибдан мавсум давомида энг барқарор ўйин намойиш этган юлдузлар жой олди. Унда жорий мавсумда узоқ кутилган чемпионликни қўлга киритган Лондоннинг «Арсенал» клуби аъзолари кўпчиликни ташкил қилди.
Opta талқинига кўра АПЛнинг жорий мавсумдаги рамзий терма жамоаси таркиби қуйидагича кўриниш олди: дарвозабон — Давид Рая («Арсенал»); ҳимоячилар — Адриен Трюффе («Борнмут»), Габриэл Магальянс («Арсенал»), Уильям Салиба («Арсенал»), Матеус Нунес («Манчестер Сити»); ярим ҳимоячилар — Деклан Райс («Арсенал»), Эллиот Андерсон («Ноттингем Форест»), Доминик Собослай («Ливерпуль»), Бруну Фернандеш («Манчестер Юнайтед»); ҳужумчилар — Райан Шерки («Манчестер Сити») ва Эрлинг Холанд («Манчестер Сити»).
Эслатиб ўтамиз, якунга етган мавсумда Лондоннинг «Арсенал» жамоаси муросасиз кечган чемпионлик пойгасида ғолиб чиқиб, Англия чемпионига айланди. «Канонирлар» ўтказилган 38 та учрашувда жами 85 очко жамғарган ҳолда турнир жадвалида мутлоқ пешқадамликни расмийлаштиришди. Жамоанинг ушбу муваффақиятида рамзий терма жамоадан жой олган етакчи футболчиларнинг хизмати беқиёс бўлди.
