АПЛда рекорд: «Челси» — Премьер-лига тарихидаги энг ёш жамоа
Лондоннинг «Челси» жамоаси Англия Премьер-лигаси мавсумини тўртинчи ўринда якунлаб, Чемпионлар Лигасига йўлланма олди. Шу билан бирга, жамоа таркиби ёши бўйича тарихий рекорд ўрнатди. Бу ҳақда Opta Sports хабар берди.
«Кўклар»нинг старт таркибининг ўртача ёши 24 ёш ва 36 кунни ташкил қилди. Бу Премьер-лига тарихидаги энг ёш таркиб ҳисобланади. Илгари ҳеч бир АПЛ жамоаси бу қадар ёш таркиб билан майдонга чиқмаган.
Шунингдек, «Челси» Чемпионлар Лигасига йўл олган энг ёш инглиз жамоаси сифатида тарихга кирди. Тўртинчи ўрин жамоага Европанинг асосий клуб турнирида қатнашиш ҳуқуқини берди.
Премьер-лига якуний турида «Челси» «Ноттингем Форест» устидан 1:0 ҳисобида ғалаба қозонди. 29 май куни тунги соатларда жамоа Европа Конференциялар Лигаси финалида Испаниянинг «Бетис» жамоасига қарши баҳс олиб боради.
