АПЛда дастлабки истеъфо рўй бериши мумкин
Фото: Getty Images
Англия Премьер-лигасида мавсумдаги илк мураббий истеъфоси кутилмоқда. Бу ҳақда джурналист Маттео Моретто хабар тарқатмоқда.
Унинг ёзишича, "Ноттингем Форест" клуби Нуну Эшпириту Санту билан хайрлашиши мумкин. "Ўрмончилар" аллақачон бошқа номзодларни баҳоламоқда.
Бунга ўтган мавсумда Нуну Эшпириту Санту клуб хўжайини Эвангелос Маринакис билан зиддияти сабаб бўлган. Қолаверса, клубнинг трансфер бозоридаги иши яхши эмаслиги туфайли мураббий ва раҳбарият ўртасида кескинлик кучайди. Португалиялик мутахассис яқинда таркибдан норозилигини очиқ айтди.
Розикжон Султонмуродов
Журналист